Најпопуларното женско име, чие значење е „мудрост“, го носат голем број девојчиња и во Македонија.
Лаура Вотенберг, американката која истражувала на оваа тема, дошла до заклучок дека едно женско име го има водството пред останатите кога станува збор за светска популарност.
Најпопуларното женско име во светот е Софија. Меѓу земјите каде има најмноги девојчиња со ова име се Мексико, Италија, Русија и САД.
По истражувањето, Вотенберг вели дека ова име ги надминува културите и границите.
Восхитувачки е тоа што на толку различни јазици и во толку различни култури едно име звучи исто. Тоа сигурно говори нешто за начинот на кој што културата се пренесува и денес, вели таа.
Името софија е меѓу првите 25 имиња во две третини од земјите што водат статистика за зачестеноста на имињата кај децата, во најголем дел во Европа и Америка, но пред една генерација, ова име не било популарно. Моменталната популарност, Вотенберг ја објаснува со тоа што името лесно се изговара во повеќе јазици и значи „мудрост“.
За разлика од името Софија, коешто го освојува светот, имињата инспирирани од религијата, како Марија и Ивана се се поретки.