Балкан

Нападната канцеларијата на турскиот претседател Ердоган

Нападната канцеларијата на турскиот претседател Ердоган

Во Истанбул маж пукал во зградата во која се наоѓа канцеларијата на турскиот претседател Реџеп Таип Ердоган, објави МИА.

Врз зградата фрлил и граната, но таа не експлодирала, објавија турски медиуми.

Напаѓачот е уапсен пред палатата Долмабахче. Не е познато дали Ердоган во тоа време бил во својата канцеларија.

Турските медиуми јавуваат дека неименуваниот напаѓач бил вооружен со автоматско оружје и пиштол и дека прво отворил оган, а потоа фрлил и рачна граната.

Полицијата подоцна со контролирана експлозија ја уништила гранатата. Засега не е познато кои се мотивите на напаѓачот.