Заменик министерот за одбрана на БиХ Живко Марјанац, потврди за босанскиот весник „Дневни аваз“ дека муницијата што била користена во нападот во Париз е произведена во БиХ.
-На една од чаурите пишуваше „ИК Коњиќ 1986“. Тоа е компанијата „Игман Коњиќ“. Но ако „Игман Коњиќ“ беше во состав на ЈНА, тоа значи дека нивната муниција е распространета од Словенија до Македонија, вели Марјанац.
Тој ја исклучува можноста муницијата да стигнала до терористите од БиХ.
– Не се знае од каде стасала муницијата, но се знае дека е произведена во Босна. Овде имаше војна и во секоја втора куќа и денес има 20 куршуми. Како можеме да знаеме дека некој самостојно не ги продал куршумите. „Игман Коњиќ“ произведува и денес извесува во САД, заклучил Марјанац.