Балкан

Наркодилер ранил двајца полицајци, се крие во минско поле во БиХ

Наркодилер ранил двајца полицајци, се крие во минско поле во БиХ

Полицијата го лоцирала во саботата наркодилерот кој се криел на минирано подрачје на северот од Босна и Херцеговина меѓу Добој и Маглај, откако во петокот застрелал двајца полицајци во Добој.

Мустафа Хасанбашиќ, кој е во бегство а по него е распишана потерница, во петокот со истрели од пиштол ранил двајца полицајци кои го запреле при редовна сообраќајна контрола. Потоа побегнал и по него е организирана потеера.Неговиот соработник Бенјамин Чосовиќ е уапсен.

Според министерството за внатрешни работи на Добојско-зеничката жупанија, Хасанбашиќ бил лоциран во областа меѓу градовите Добој и Маглај којашто е минирана, поради што е отежната неговото апсење. Полициските патроли се распоредени на бројни локални патишта, се додава.

Според медиумите, Хасанбашиќ од претходно ѝ бил познат на полицијата, бидејќи неговото име веќе било објавувано на потерници поради трговија со дрога и избегнување отслужување други казни. Наводно бил осуден и за убиство во 1997 година во швајцарски Цирих.