Македонија

Љупчо Јотевски Нашето поднебје овозможува производство на струја од сонце

Нашето поднебје овозможува производство на струја од сонце

Енергетиката влијае на екологијата, производството на електрична енергија е нешто што е неопходно во нашата држава, но во исто време мора да внимаваме и на екологијата, истакна Љупчо Јотевски на денешната трибина на Комисијата за енергетика на ВМРО-ДПМНЕ на тема алтернативни извори на енергија.

-Од тие причини во минатиот период посебно внимание се даваше на алтернативните извори на електрична енергија. Би го споменал ветерниот парк во Богданци каде со 16 ветерници има инсталирана моќност од 36,8 мегават часови со годишно производство од над 100 гига киловатчасови електрична енергија. Кај нас такви ветерни паркови би требало да се направат повеќе, вели Јотевски.

Тој вели дека како алтернативно решение во производството на електрична енергија во Македонија може да се искористи тоа што нашето поднебје, според проценките има 283 сончеви денови во годината.

-Нашето поднебје овозможува да може да се произведува електрична енергија од сонцето, нагласува Јотевски.