Синоќа во НБА лигата беа одиграни два натпревари, на кои поуспешни беа домашните тимови.
Дербито се играше во Кливленд, каде “кавалирс” беа поуспешни од Голден Стејт и славеа со 110:99.
Леброн Џејмс ги предводеше стрелците со 42 поени и беше најзаслужен за победата на својот тим. Тој забележа и 11 скокови и 5 асистенции.
Леброн беше следен од Кајри Ирвинг со 24 и Кевин Лав со 16 поени и 8 скокови.
Кај Вориорси најдобар беше Дејвид Ли со 19 поени, Стеф Кари имаше 18 поени и шест асистенции, додека Дејмонд Грин мечот го заврши со 16 поени, 8 скокови и 4 асистенции.
На вториот меч од ноќешната програма Феникс беше подобар од Оклахома Сити со 117:113 по продолженија.
