Негувателите ангажирани од Кисела Вода добија потврди за успешно реализираниот проект

Успешно реализиран проектот „Подобрување на човечките капацитети на градинките во општина Кисела Вода за потребите за згрижување на деца”, кој во изминатите 6 месеци се одвиваше како резултат на Договорот за соработка помеѓу УНДП и Општина Кисела Вода, Оперативниот план за активни програми и мерки за вработување за 2016 година и Програмата за вработување на Владата на РМ за активните програми и мерки за вработување за 2016 година.

Преку програмата Општинско – корисна работа, осум невработени лица, негуватели, кои беа работно ангажирани од страна на општина Кисела Вода, согласно објавениот јавен оглас, добија потврди за својот успешен ангажман.

Се работеше за невработени лица евидентирани во АВРМ најмалку една година кои, преку Секторот за локален економски развој на општината, добија работен ангажман во  јавните детски градинки на територија на општина Кисела Вода, за период од шест месеци, за што добиваа паричен надомест и се стекнаа со практични искуства и вештини за нивно постепено вклучување на пазарот на труд.

Доколку преземете содржина од оваа страница, во целост сте се согласиле со нејзините Услови за користење.