Неимар ќе одмара само три до четири недели

Раководните лица и најверните фанови на каталонскиот гигант Барселона повторно мирно дишат откако клупскиот доктор и официјално потврди дека повредата која бразилскиот интернационалец Неимар ја заработи на реванш 1/8 финалниот натпревар од Купот на Шпанија против екипата на Гетафе не е од посериозна природа.

Главниот доктор на актуелниот шампион на Шпанија потврди дека Неимар го има повредено зглобот на десната нога и таквата повреда бара мирување во следните три до четри недели.

Репрезентативецот на Бразил нема да биде во комбинација за првенствените дуели против екипите на Леванте, Малага и Валенсија, а ќе го пропушти и првиот 1/4 финален натпревар од Купот на Шпанија.

За среќа Неимар ќе биде во конкуренција за првиот 1/8 финален натпревар од најпрестижното клупско натпреварување, Лигата на шампиони, каде за противник ќе ги има незгодните дефанзивци на најбогтиот клуб во англиската Премиер лига, Манчестер Сити.

Доколку преземете содржина од оваа страница, во целост сте се согласиле со нејзините Услови за користење.