Еден млад љубител (22 години) на фестивалот Егзит рано утрово во Нови Сад паднал додека се обидувал да ги прескокне ѕидините на тврдината и да влезе на фестивалот „Егзит“ без карти, соопштила новосадската полиција.
Момчето од Кикинда се здобило со тешки повреди и му бил скршен скочниот зглоб. Новосадската полиција навела дека во текот на вториот ден на музичкиот фестивал „Егзит14“ на кој присуствувале околу 40.000 посетители, нема нарушување на јавниот ред и мир во поголем обем, освен разбојништва, чување и продажба на дрога и прекршувања на законот за јавен ред и мир.
Полицијата одземала наркотици од 43 лица, од кои 17 странски државјани, кривични пријави ќе бидат поднесени против две лица за продажба на дрога, а за недозволено чување на дрога ќе бидат кривично обвинети 41 лице.
Исто така утрово две лице со закана со нож на романски државјанин му одземале 5000 динари, мобилен телефон и 2000 леи.