Ница била одмазда за џихадистот Шишани

Исламската држава го прославува терористичкиот напад во Ница како освета за смртта на Абу Омар ал Шишани, т.н. министер на војната.
Поддржувачите на Исламската држава креираа хаштаг #the attack on the name of Omar Shishani (напад во име на Омар Шишани).
„Франција и Европа никогаш нема да бидат сигурни, се додека ние не живееме во сигурност на секоја педа земја на Калифатот“, напиша еден поддржувач на ИД на Твитер, чијшто профил во меѓувреме беше избришан.
„Овој напад е почеток на осветничката војна за убиството на Абу Омар Шишани, нека ги прими Алах“, напишал џихадист на форумот ал-Минбар на ИД набрзо по нападот.
Абу Омар ал-Шишани, кого Пентагон го смета за „министер за војна“ на Исламската држава, загина во борбите во ирачкиот град Ширкат, јужно од Мосул, објави во средата агенција која ги поддржува милитантите.

Доколку преземете содржина од оваа страница, во целост сте се согласиле со нејзините Услови за користење.