Магазин

Никола Маџиров на Меѓународни поетски средби во Белград

Никола Маџиров на Меѓународни поетски средби во Белград

Поетот Никола Маџиров ќе учествува на Меѓународни поетски средби во Белград во организација на Белградскиот центар за култура.

Мото на средбите е „Чуму поезија”, а фокусот е на современата европска поезија.

Настанот ќе почне утре, по повод одбележувањето на Светскиот ден на поезијата и, покрај читања, ќе се разговара и за сложениот однос меѓу поезијата и медиумите.

Ќе учествуваат и поети од Австрија, Шпанија, Летонија, Полска, Ирска, Чешка, Франција и од други земји.

Во Балтимор, САД, пак, денеска ќе биде отворена изложба „Дом – Проект 837” која вклучува слики, фотографии и поезија од уметници од речиси сите страни на светот. Маџиров е претставен со неколку песни кои го отвораат прашањето на домот и современото номадство.