Продолжува акцијата за ноќно обележување на хоризонталната сигнализација на улиците и булеварите во главниот град.
Како што информираат од Град Скопје, екипите на ЈП „Улици и патишта“ ја продолжуваат акцијата за обележување на хоризонталната сигнализација на градските улици и булевари во ноќните часови, кога е намалена фрекфенцијата на возилата.
Ноќно обележување на булеварите
Во текот на изминативе денови рачно се бележеа сите пешачки премини на Јужниот булевар и на булеварот „Мајка Тереза“, пешачките премини со ознаките ШКОЛО на улицата „Тодор Александров“ и на улицата „Ацо Караманов“, како и пешачките премини на булеварот „Гоце Делчев“, под скопското Кале, информираат од градот.
Во рамки на тековното ноќно обележување на градските улици, машински беше обележан булеварот „Никола Карев“, на потегот од клучката „Детелинка“ кај Бит-пазар до објектот на Американската амбасада.
Се поправаат и сообраќајните знаци
Паралелно со тековното ноќно обележување на хоризонталната сигнализација на градските улици деновиве се обновува и вертикалната сигнализација.
Поправени се дел од оштетените сообраќајни знаци на градските улици, а каде што имаше потреба без поставени нови сообраќајни знаци.
