четврток, 24 ноември 2016  |  Вести денес: 43

Нов скандал на „Фолксваген“ – Отвараш врата, палиш мотор!

Германскиот произведувач на автомобили Фолксваген ќе повлече околу 67.000 комерцијални возила „Кеди“ низ целиот свет произведени во периодот помеѓу 2012 и 2013 година.

folksvagen

Поврзани вести

Германскиот произведувач на автомобили Фолксваген ќе повлече околу 67.000 комерцијални возила „Кеди“ низ целиот свет произведени во периодот помеѓу 2012 и 2013 година. Повлекувањето на возилата следи откако било утврдено дека е можно со далечинскиот управувач за отварање на вратата да се запали моторот на автомобилот, пишува германски „Велт“, пренесува б92.

Било утврдено дека е можно да се запали моторот на автомобилот со далечински управувач, а ако возилото е во брзина тогаш би можело самостојно да почне да се движи, наведува весникот.

Како што пренесува Ројтерс, оваа бројка од 67.000 возила што ќе бидат повлечени, вклучително и 20.800 автомобили во Германија сочинува околу половина од вкупно 132.900 „Кеди“ автомобили што биле продадени во текот на минатата година во цел свет, според податоците на компанијата.

Поради овој проблем, компанијата веќе ги повика сосптвениците на 20.800 возила во Германија да дојдат во сервисите на Фолксваген за да се отстрани можноста за стартување на автомобилот преку далечинскиот управувач кој е наменет само за отварање на вратата

На сопствениците на ваков тип автомобил им се препорачува да не ги оставаат возилата во брзина, туку да ја користат само рачната сопирачка.

Портпаролот на компанијата изјави дека Фолксваген примил рекламација од потрошувачите, но дека нема сознанија за евентуални несреќи предизвикани од проблемот.

 

 

Последно во оваа категорија

турција

ЕП ќе гласа за замрзнување на преговорите за членство на Турција во ЕУ Членовите на Европскиот парламент денеска ќе гласаат за можно замрзнување на преговорите со Турција за челнство во ЕУ, јави ДПА. Иако гласањето ќе привлече големо медиумско внимание, тоа нема да биде конечната одлука по прашањето за преговорите на Турција за пристапување кон ЕУ. Тоа е така бидејќи преговорите за членство ги води и за нив решава Европската комисија, а не Европарламентот. Европратениците, кои се избираат од гласачите на ЕУ на секои пет години, можат да донесуваат закони на ЕУ заедно со другите држави членки, но тие немаат ингеренции по прашањата поврзани со надворешната политика. Денешното гласање може да испрати силен политички сигнал, но нема да има право обврзувачко влијание врз одлуката на Комисијата во врска со преговорите за членство на Турција. Согласно директивите на ЕК за преговорите, „сериозното и постојано нарушување“ на европските вредности, меѓу кои и непочитувањето на „основните слободи и владеењето на правото“ можат да станат причина за привремен прекин на преговорите. Што е точно значи „сериозно“ и „постојано“ остава отворен простор за различни интерпретации, оценува ДПА. Во случај на прекршување, се очекува ЕК да препорача замрзнување на преговорите и потоа да бидат наведени условите, со кои преговорите можат да бидат обновени. Во таков случај, 28-те земји членки на Унијата тогаш ќе треба да гласаат по препорака на Комисијата. За да биде прифатен предлогот, неопходно е одобрение од најмлаку 16 членки, во кои живеат најмалку 65 отсто од граѓаните на ЕУ.

Најчитани вести