Нов тип алерголошки тестови на Клиниката за детски болести

Во лабораторијата на Клиниката за детски болести  достапни се и веќе се изведуваат нов тип на алерголошки тестови и анализи преку крв на деца. Истите се со многу високо ниво на точност. За ова информираше министерот за здравство Никола Тодоров при денешната посета на Клиниката за детски болести.

Ова е прва ваква можност за испитување во јавното здравство и веќе функционира. Може да се прават до 400 тестови на час и до 400 типови на алергени. Без оние стандардни претходни тестови кои што се правеа на кожата и кои може да се прават и на деца во најмала возраст, дури и во неонаталниот период, рече Тодоров, пренесува МИА.

Тодоров нагласи дека апаратот е набавен преку тестови, согласно воведениот принцип за набавка на апарати и веќе е ставен во функција и на располагање и на докторите и на сите пациенти.

Нов тип алерголошки тестови на Клиниката за детски болести
Нов тип алерголошки тестови на Клиниката за детски болести

 Алергијата е болест на новото време. Според некои европски статистики дури 150 милиони луѓе во Европа патат од алергии, а едно од 20 деца имаат една или повеќе алергии на некој тип на храна. Тоа значи дека потребата од ваков апарат е голема и очекувам овој апарат да најде соодветно место во примената во целиот здравствен систем, истакна Тодоров.

Директорката на Клиниката за детски болести Аспазија Софијанова рече дека особено е важно тоа што сега ќе може кај новороденчињата да се дијагностицира предиспозиција за одредена алергиска реакција, пред да се појават клиничките знаци за неа.

Предноста во медицината е колку порано да се открие предиспозиција кон одредена болест за да може да се спречи. Ќе можеме да ги спречуваме навреме и да знаеме за кој тип алергиска реакција е предиспонирано детето уште од најрана возраст, истакна Софијанова.

Доколку преземете содржина од оваа страница, во целост сте се согласиле со нејзините Услови за користење.