Нова афера ја потресе хрватската власта. Откриено е дека некои високи државни функционери ги фалсификувале дипломите. Меѓу нив е и шефот на обезбедувањето на претседател на Хрватска, Иво Јосиповиќ.
Комисијата на Високата полициска школа утврдила дека Сивио Топлак, шеф на обезбедувањето на Јосиповиќ, Милјан Бркиќ, главен секретар на Хрватската демократска заедница (ХДЗ) и уште десетина нивните студенти ги плагирале своите дипломски работи, па нивните дипломи се поништени, јавува новинска агенција Хина, пренесува Нетпрес.
Јосиповиќ вчера изјави дека плагирањето дипломски труд е нешто сосема неприфатливо и дека Министерството за внатрешни работи ќе одлучи за судбината на шефот на неговото обезбедување.
