Грчката опозициска партија Нова демократија го критикуваше премиерот Алексис Ципрас за негативен публицитет на Грција во странство, јави МИА.
Портпаролот на опозициската партија Костас Карагунис даде изјава по заедничката прес-конференција на Ципрас и италијанскиот премиер Матео Ренци, на која шефот на грчката Влада истакна дека ќе се бори со корупцијата која во Грција е многу проширена.
– Претставувајќи ја нашата земја во странство, Ципрас ја нарече Грција корумпирана земја, исто како Јоргос Папандреу, истакна Карагунис.
– Го повикуваме Ципрас и неговата коалициска Влада, во пресрет на претстојните преговори, барем да го следат патот на сериозност и одговорност за доброто на земјата, рече портпаролот на Нова демократија.
фото: МИА
Доколку преземете содржина од оваа страница, во целост сте се согласиле со нејзините Услови за користење.