Во кривичниот суд вчера се изведуваа доказите на обвинителството во судскиот процес против Насер Ештрефи обвинет за убиството на матурантот Ангел Петковски од Ѓорче. Одбраната побара ново невропсихијатриско вештачење, тоа е еден од многуте докази, објави Алфа.
Осум сведоци, вработени во полицијата кои на лице место правеа увид по убиството, соседи на семејството Петковски, ама и таткото на починатото момче се дел од доказите со кои одбраната ќе докажува дека убиството е сторено поради нужна самоодбрана.
Во судницата беше покажан стапот со кој таткото на Анѓел, Сашо Петковски, го удирал обвинетиот Насер Ештрефи. За адвокатот на семејството Петковски се е јасно, ножот бил во рацете на Ештрефи, објави Алфа.
Одбраната побара, а судот треба да одлучи дали ќе дозволи второ невропсихијатриско вештачење врз обвинетиот. Во судницата настана вербална расправија помеѓу одбраната и обвинителството околу законитоста на евентуалното ново вештачење.
Адвокатот на Ештрефи бара „еднаквост на оружјата“, а обвинителството почитување на законот според кој можно е дополнување на првото, но не и второ психијатриско мислење, пренесе Алфа.
Доколку преземете содржина од оваа страница, во целост сте се согласиле со нејзините Услови за користење.