Нови шест жртви во поплавите во Баварија

Спасувачките тимови трагаат по најмалку три исчезнати лица во германската покраина Баварија, која е погодени од поплави, само неколку часа откако локалните власти ја потврдија веста за шестмина загинати.

Како што јави ДПА, во текот на вчерашниот ден се пронајдени шест безживотни тела – 3 жени, сите од исто семејство, потоа двајца мажи од местото Симбах Ам Ин на возраст од 65 и 75 години и една 85-годишна жена.

Според локалните власти, проценките на штетите во јужнобаварските области близу границата со Австрија стигнуваат и до неколку стотици милиони евра.

– Денеска најважно е погодените области да се снабдат со неопходните залихи на питка вода и да се расчисти патната мрежа, изјави претставничка на локалната власт во Ротал Ин.

Метеоролог од германскиот сервис за атмосферски појави ДВД, пак, рече дека денеска дождовите во тие региони ќе продолжат со намален интензитет, но и дека се очекуваат нови во други области во Германија.

Доколку преземете содржина од оваа страница, во целост сте се согласиле со нејзините Услови за користење.