Нови шокантни податоци и документи за активностите на грчката неонацистичка партија „Златна зора“ објавуваат весниците во Атина, откако во саботата пред судот се јавија уште тројца нејзини претставници за прекршоци и за наводна припадност на криминална организација.
Весникот „Етнос“ објавил фотографии, на кои еден од нејзините претставници, Илиас Касидиарис, држи калашников во своите раце, а друга негова съпартијка, Уранија Михалолиакос, ќерка на лидерот на партијата , учествува во курс по самоодбрана.
Прикажани се уште членови на „Златна зора“ во воени униформи правејќи го хитлерскиот поздрав, како и тајно писмо до лидерот Никос Михалолиакос, во кое авторот ги „топи“ своите истомисленици и зборува за платите што се делеле од партијата.
Весникот „Та неа“ пишува дека тројцата уапсени, Јоргос Герменис, Панајотис Илиопулос и Статис Букурас, чиј пратенички имунитет беше претходно одземен , се обвинети за водење на криминална организација .
Затворот „Коридалос“ е преполн со претставници на „Златна зора“, наведуваат весниците, додавајќи дека против нив се очекува да бидат покренати уште обвиненија.
Вкупно девет од 18 пратеници од „Златна зора“ се обвинети за учество во криминална организација, вклучувајќи го лидерот на партијата Никос Михалолиакос , а двајца од нив се во затвор во очекување на судски процес.
Обвиненијата против членовите на „Златна зора“ започна по убиството на раперот антифашист, Павлос Фисос, во август минатата година од приврзаник на неонацистичката партија.
