Американскиот претседател Барак Обама изјави дека денеска ќе бидат објавени нови санкции против Русија поради неспроведувањето на меѓународниот договор за смирување на кризата во Украина.
Обама, кој е во посета на Филипини, додал дека цел на санкциите ќе бидат поединци и компании, како и некои делови од рускиот извоз.
„Москва има начин за да придонесе за мирољубиво решение на кризата во Украина, но досега не превзеде чекори во тој правец“, изјавил Обама.
Денеска и Европската Унија ќе го разгледува новиот пакет санкции против Русија.
