Македонија

Новото средно училиште во Сарај ќе почне да функционира следната година

Новото средно училиште во Сарај ќе почне да  функционира следната година
Новото средно училиште во Сарај ќе почне да функционира следната година

Министерот за образование и наука,  Абдилаќим Адеми со делегација го посети објектот на  средното училиште во Општина Сарај, каде што одблиску го видоа училишниот објект кој веќе е завршен.

„Импресиониран сум од изгледот на училишниот објект  кој е меѓу најдобрите во Македонија. Училишниот објект финансиран од страна на Министерството за образование и наука, Општина Сарај и Град Скопје ќе служи како средно училиште за средношколците од овој регион каде што учениците ќе можат да завршат средно училиште, гимназија и економско – правна струка. Со оваа се остварува долгогодишното барање на жителите и општина Сарај. Училиштето ќе почне да функционира во учебната 2016/2017 година, до тогаш ќе завршат сите процедури за основање, регистрација на правниот субјект и објавување на конкурсот за упис“ истакна министерот Адеми.

Училиштето ќе има по пет паралелки за секоја учебна година – гимназиско образование  и стручно образование. Исто така ќе има и кабинети и други простории за потребите на училиштето.

Досегашната инвестиција изнесува над 50 милиони денари. Министерството за образование и наука ќе го обезбеди потребниот инвентар на училиштето.

Во изминатите две години се основани три средни училишта на албански јазик,  изградени два нови училишни објекти за средно образование, а  седум средни училишта  се реновирани.

Во фаза на реновирање се 9 албански училишта, исто така ќе се реновираат и 13 основни и  средни училиште меѓу нив и основното училиште во с. Сарај во вредност од 228 илјади евра и реновирање на спортската сала во с. Радуша во вредност од 90 илјади евра.