Свет

Обама го осуди нападот врз синагогата во Ерусалим

Обама го осуди нападот врз синагогата во Ерусалим

Претседателот на САД Барак Обама го осуди нападот во синагогата во Ерусалим, при што загинаа четири лица.

Обама апелираше до израелските и палестинските лидери да ги намалат тензиите и да се стремат кон постигнување на мир.

– Во овој деликатен момент во Ерусалим поважно за израелските и палестинските лидери и за обичните граѓани е заеднички да работат за намалување на тензиите, отфрлање на насилството и изнаоѓање на пат кон мирот, посочи Обама.

Нападот го изведоа двајца Палестинци, а тројца од загинатите имале двојно државјанство – израелско и американско, додека четвртиот имал и израелско и британско државјанство.

Во меѓувреме градоначалникот на Њујорк Бил де Блазио ги зголеми безбедносните мерки околу синагогите и другите позначајни места во градот поради нападот во Ерусалим.

– Њујоршката полиција е во контакт со Израел. Го зголемивме полициското присуство во синагогите и ги повикувам сите њујорчани да бидат внимателни и веднаш да сигнализираат за сомнителни дејности, посочи Блазио.