Американскиот претседател Барак Обама и украинскиот претседател Петро Порошенко разговараа за начините за ефикасна контрола на границата меѓу Русија и истокот на Украина.
Како што соопшти Белата куќа во синоќешниот телефонски разговор на Обама и Порошенко станало збор за тоа и двете страни да го почитуваат договорот за примирје кој е потпишан минатиот месец во Минск.
Претседателите на САД и Украина разговараа за енергетска безбедност, политички реформи и напори за Украина да ја засилат економијата.
Обама и Порошенко разговараа пред планираниот состанок на рускиот претседател Владимир Путин и украинскиот шеф на државата во Милано.
Рускиот претседател од Белград денеска ќе отпатува во Милано на европско-азиски самит.