Американскиот претседател Барак Обама соопшти дека Вашингтон има намера да преземе чекори за зајакнување на притисокот врз режимот на сирискиот претседател Башар ал Асад, соопшти „АФП“.
„Ние не очекуваме проблемот во Сирија да биде решен во кратки рокови, затоа имаме намера веднаш да преземеме чекори за подобрување на хуманитарната ситуација таму. Планираме исто така да преземеме чекори за зајакнување на притисокот врз режимот на сирискиот претседател Башар ал Асад“, изјавил Обама за време на средбата со јорданскиот крал Абдула Втори.