Владата на РМ ги исплати средствата кои беа поднесени од Општина Штип за обештетување на лицата кои имаа штети од полавите предизвикани со излевањето на река Брегалница на 25 и 26 февруари 2013 година, пренесува „1.мк”.
Вкупната сума на обештетување изнесува 2. 625.212 денари. Станува збор за 117 лица, од кои правни субјекти се 10, а остатокот се физички лица. Најголем дел се граѓани од Ново Село кои имаа најголеми штети од излевањето на река Брегалница.
На секој од нив му се одобрени по 15% од проценетата штети. Средствата се исплатени на подносителите на документите за обештетување во четвртокот минатата недела.