Крими хроника

Обид за братоубиство во Велешта

Обид за братоубиство во Велешта

На 22 февруари годинава, околу 23 часот, А.Н.(44) од Велешта по претходна расправија најнапред физички го нападнал неговиот брат Б.Н., а потоа кон него испукал еден куршум од огнено оружје-пиштол кое нелегално го поседувал. Веднаш потоа А.Н. влегол во своето патничко моторно возило марка „мерцедес“ и избегал од местото на настанот. Повредениот Б.Н. е пренесен во општата болница во Струга.

По преземени мерки на 10 март А.Н.  е пронајден и приведен. Против него е поднесена кривична пријава, за сторено казнено дело „убиство во обид“ за што од страна на судија на претходна постапка му е одредена мерка притвор во траење од 30 дена.