Во борбите на истокот од Украина минатата година загинале најмалку 220 руски војници, се наведува во истражувањето што го започна рускиот опозиционер Борис Немцов, кој беше убиен на 27-ми февруари годинава во центарот на Москва.
Во извештајот на Немцов се наведува дека војниците се ослободени од нивните должности и дека се наведени како доброволци.
Извештајот од 64 страници е составен од сведочења на очевидци од медиумските известувања и информации што биле собрани од страна на Немцов, вклучително и оние што тој ги добил од роднините и другите претставници на загинатите војници.
Руското Министерство за одбрана негира дека руски војници се борат во Украина, тврдејќи дека Русите што се борат на страната на сепаратистите се доброволци.