Објавен списокот на ракометари кои патуваат за Катар

Селекторот на машката ракометна репрезентација Ивица Обрван го скрати списокот на ракометари со што се познати 18-те играчи кои ќе настапат на Светското првенство во Катар и ќе бидат во комбинација на турнирот во Франција.

По вчерашниот вечерен тренинг отпаднаа Гоце Ојлески и Никола Стојчевски, додека уште претходно Филип Талевски беше „прекомандуван“ во јуниорската репрезентација.

Ова се 18-те ракометари кои ќе патуваат на СП: Борко Ристовски, Петар Ангелов, Никола Митровски, Дејан Манасков, Владо Недановски, Златко Мојсоски, Гоце Георгиевски, Ванчо Димовски, Столе Стоилов, Никола Маркоски, Кире Лазаров, Ренато Вугринец, Филип Лазаров, Наумче Мојсовски, Филип Миркуловски, Немања Прибак, Ацо Јоноски и Велко Маркоски.

Ракометарите денеска имаат слободен ден, а на 8.јануари заминуваат за Франција, каде во Нант ќе одиграат два натпревара. Првиот на 9.јануари е против Алжир, а следниот ден во зависност од резултаот ривал ќе ни биде Франција или Аргентина.

Доколку преземете содржина од оваа страница, во целост сте се согласиле со нејзините Услови за користење.