Македонија

Облачно, со температура до 17 степени

Облачно, со температура до 17 степени

Во Македонија времето денеска ќе биде променливо облачно со појава на ниска облачност и утринска магла по котлините и речните долини во претпладневните часови, а попладне облачноста ќе се намали.

Утринската температура ќе се движи од минус три до пет, а дневната од 11 до 17 степени.

Во Скопје претпладне ќе има појава на ниска облачност и слаба магла, а попладне ќе има сончеви периоди. Утринската температура ќе се спушти до четири, а дневната ќе се искачи до 15 степени.

И натаму продолжува период на стабилно и суво време, по котлините и речните долини со појава на ниска облачност и слаба утринска магла.