Жител на гостиварското село Чајле пријавил во саботата дека претходно седмицава непознато лице украл поголемо количество злато, информираат од министерството за внатрешни работи.
На 24.02.2018 година во 12,15 часот во Полициската станица Гостивар, Б.М. (47) од с.Чајле, гостиварско, пријавил дека на 20.02.2018 година во вечерните часови од страна на непознат сторител извршена е тешка кражба во неговата куќа.
Сторителот влегол во куќата и без да изврши пребарување по собите, од фиока во спалната соба на приземјето одзел поголема количина разновиден златен накит (лири, алки, обетки, прстени и останат вреден накит), а потоа го напуштил лице местото.