Македонија

Од Гевгелија за Табановце вчера заминале над 4.000 бегалци

Од Гевгелија за Табановце вчера заминале над 4.000 бегалци

Околу 4.400 бегалци вчера заминале од Гевгелија за Табановце според евиденцијата на УНХЦР и Меѓународниот Црвен крст, што повторно е зголемување на бројот во споредба на минатите неколку дена.

Благото покачување на бројот на бегалци кои транзитираат низ земјава, не предизвика проблеми во функционирањето на службите за нивно прифаќање, сместување и евидентирање кои имаат голема помош од активисти на многу невладини организации и здруженија на граѓани.

Според податоците на Меѓународниот Црвен крст, нивните активисти вчера поделиле 420 пакети со храна, 85 пакети вода, 23 ќебиња, 480 кабаници за дожд од УНХЦР, 4 пакети за бебиња, 5 пакети бисквити и 3 пакети памперс пелени. Медицинските екипи интервенирале 300 пати без потреба од пренесување на пациентите до болницата во Гевгелија.