среда, 29 март 2017  |  Вести денес: 12

Од јули ќе плаќаме поевтина струја

Од јули ќе плаќаме поевтина струја. Регулаторната комисија за енергетика кон крајот на месецов ќе треба да ги соопшти пресметки за новата цена на електричната енергија.

brojilo-struja_660x330

Последни вести

Од јули ќе плаќаме поевтина струја. Регулаторната комисија за енергетика кон крајот на месецов ќе треба да ги соопшти пресметки за новата цена на електричната енергија.

Како што неофицијално дознава Канал 5 и годинава ќе има надолна корекција на цената или сметките од јули ќе бидат пониски, но засега не се знае за колкав процент ќе биде намалувањето.

До регулаторната комисија веќе се поднесени трошоците на компаниите но што има во нив не се соопштува. Неофицијално дознаваме дека две од трите компании врз чии извештаи се формира новата цена на електричната енергија бараат намалување и тоа кај едната да изнесува над 30 проценти.

Упатените во бизнисот велат дека намалувањето на цената е за очекување поради фактот дека на берзите мегаватот во последната година е паднат за над 10 проценти. Предвидувањата се дека и во наредната година за долгорочните договори цената ќе биде само нешто повисока од 30 евра за мегават. Во последните 6 месеци пак на нај референтните берзи за нас унгарската и бугарската, мегаватот се продава во просек за 25 евра за мегават. На бугарската ИБЕКС во моментов пиковата цена изнесува 22 евра, слично колку што чини и на унгарски ХУПЕКС.

Дополнително велат драстично се намалени и трошоците на енергетските компании бидејќи зимата беше блага и без поголеми дефекти по мрежата за разлика од минатата година, па за очекување е да поднеле и извештаи со пониски давачки.

За намалување придонесува и се поголемиот број на компании кои струја набавуваат токму од слободниот пазар. Снабдувачите велат дека сметките кај одредени потрошувачи се намалиле за дури 30 проценти.

Лани намалувањето кое ќе важи до 1 јули годинава изнесуваше 0,33 проценти при што од вкупната сметка 50,6 отсто завршуваат во касата на Елем, 44 кај ЕВН и 5,24 проценти кај Мепсо.

Најчитани вести