Од среда попладне ќе започне да дува северен ветер, кој во наредните денови повремено ќе биде засилен и ќе предизвика значително опаѓање на температурите за десетина степени во однос на денешните.
Поради спуштање на студен воздух од север во текот на ноќта кон петок и во петок претпладне на повисоките планини во северозападниот дел од земјава врнежите ќе поминуваат во снег.
Од петок попладне следува период на стабилно, суво и постудено време со утрински температури кои на некои места ќе се спуштат и под нулата.
