Од утре на сите продажни места низ Република Македонија кои ја имаат ознаката Среќно место, ќе може да се пронајде новата серија на Инстант лозот „Детелинка“ на барање на играчите.
-Под мотото „Најди ја својата среќна детелинка“, повторно за истата цена, 30 денари, на играчите, им нудиме многу забава, но и бројни можности за парични добивки од 30 до 500.000 денари. За повеќе забава, вклучени се помали добивки, кои го прават секој трет лоз добитен. Трите идентични суми и овојпат ќе бидат вашата лозинка за добивка во оваа забава игра на среќа, велат од Државната лотарија на Македонија.
Лозот Детелинка беше лансиран во декември 2012, а во својата добитна комбинација вклучи само парични добивки од кои 5 добивки по 500.000 денари, десет добивки по 100.000 денари, сто добивки од по 10.000 денари и други бројни добивки од 30 до 1000 денари.
Лозот е посебно атрактивен заради податокот што нуди вкупна вредност од 19.500.000 денари, а секој трет криеше добивка. Трите идентични суми во детелинката се вашата лозинка за добивка во оваа игра на среќа. Инстант лозот Детелинка е единствена можност како за 30 денари да се добијат до 500.000 денари.