Здружение на граѓани со Хемофилија, вонВилебранд и ретки коагулопатии –Хемолог- Битола, како и секоја гoдина така и оваа ќе го одбележи Светскиот ден на Хемофилија на 17 Април. Ова ќе биде 17-та прослава на Светскиот ден во Македонија организирана од „Хемолог“, а во соработка со Светската федерација за Хемофилија, Европскиот Конзорциум за Хемофилија како и сите поддржувачи и соработници.
Оваа година денот симболично ќе се одржи во Музејот за на Македонската Борба за самостојност и независност, со почеток во 11 часот под мотото: „Градиме фамилија од поддржувачи“.
Хемофилија е проблем на крварење, лицата со Хемофилија не крварат побрзо од нормално туку крварат подолго. Нивната крв нема доволен фактор на коагулација. Факторот на коагулација е протеин во крвта кој го контролира крварењето. Хемофилијата е прилично ретка. Одприлика 1 на 10.000 лица се раѓаат со Хемофилија. Луѓето се раѓаат со Хемофилија. Таа неможе да се префати од некого како настинка. Хемофилијата најчесто е наследна, што значи дека таа се добива од гените на родителите но околу 30% од лицата со Хемофилија ја немаат наследено од родителите туку настанала од генетска промена.
Во Македонија има околу 300 регистрирани лица со хемофилија.
