Одложена посетата на инспекторите на ОПЦВ на Дума

Генералниот директор на Организацијата за забрана на хемиско оружје (ОПЦВ), Ахмет Узумџу денеска изјави дека вчера било пукано врз екипата за безбедност на Обединети нации која е задолжена за првична проверка во сирискиот град Дума. Поради инцидентот инспекторите на ОПЦВ ја одложија посетата на Дума, каде треба да испитаат дали таму имало напад со хемиско оружје на почетокот од април.

Сириската државна новинска агенција САНА објави дека инспектори на ОПЦВ вчера влегле во Дума, додека сирискиот амбасадор во Обединети нации, Башар ал Џафари изјави дека во градот влегол само еден член од екипата за безбедност, а не и инспекторите.

Според Узумку, останува нејасно кога тимот од меѓународни експерти ќе влезе во Дума за да го испита смртоносниот напад со хемиско оружје.

Доколку преземете содржина од оваа страница, во целост сте се согласиле со нејзините Услови за користење.