вторник, 23 мај 2017  |  Вести денес: 24

Охриѓанец пријавен за тешка кражба

Со намера противправно да присвои туѓи предмети, пријавениот, казненото дело го сторил во периодот јануари-март оваа година од куќа на улицата „Дејан Војвода“ сопственост на С.М. од Охрид

Крадец-520x390

Поврзани вести

Поради постоење основи на сомнение за сторено казнено дело „тешка кражба”, СВР Охрид поднесе кривична пријава против 22-годишниот С.И. (22) од Охрид.

Имено, со намера противправно да присвои туѓи предмети, пријавениот, казненото дело го сторил во периодот јануари-март оваа година од куќа на улицата „Дејан Војвода“ сопственост на С.М. од Охрид.

Тој, во доцните ноќни часови со подесен алат насилно ја отстранил заштитната метална решетка од прозорецот во приземјето на куќата но, не успеал да влезе. Потоа, со подесниот алат и насилно, успеал да ја отвори заштитната метална решетка од влезната врата по што, делувајќи врз бравата, ја отворил и влезната алуминиумска врата.

Откако влегол во куќата, извршил пребарување и одзел: три детски велосипеди, една машина за перње алишта, три шлајферици, еден апарат за заварување, една хилта, десет столови, една стаклена маса, една машина за миење садови, една вградена релна, една микробранова печка и разновиден кујнски прибор. Потоа, од горниот кат на куќата одзел еден ЛЦД телевизор и четири собни врати.

На тој начин, пријавениот С.И. се стекнал со противправна имотна корист од околу 250.000 денари.

Најчитани вести