Свет

Околу 100 руски уметници ја поддржаа офанзивата на Путин во Крим

Околу 100 руски уметници ја поддржаа офанзивата на Путин во Крим

Околу 100 руски уметници денес го потпишаа писмото за поддршка на рускиот претседател Владимир Путин, во неговата офанзива насочена кон Украина и Крим, пренесе „АФП“.

Поддршка кон Путин изразија и диригентот Валериј Георгиев и кино режисерот Павел Лунгин.

Во писмото, што е објавено на сајтот на руското Министерство за култура, уметниците велат дека не можат да останат „рамнодушни набљудувачи“ на настанатата ситуација.

„Категорично ја поддржуваме позицијата на рускиот претседател за Украина и Крим“, се вели во обраќањето.

Меѓу потписниците се директорот на Маринскиот театар во Санкт Петербург, Валериј Гергиев и директорот на Балшој театарот во Москва, Владимир Урин. Поддршка кон Путин изразиле уште и шефот на Кремљските музеи, Елена Гагарин и директорот на музејот „Пушкин“, Ирина Антонова.

Потпис под писмото ставиле уште и пејачот Николај Расторгуев и режисерот Фјодор Бондарчук.