Околу 150 мигранти пристигнаа во Грција

Околу 150 мигранти пристигнаа во Грција
Околу 150 мигранти пристигнаа во Грција

Повеќе од 150 мигранти во шест чамци денес пристигнале на брегот на грчкиот остров Кос. Меѓу мигрантите 40 биле од Сирија.

Очевидци изјавија дека во близина на плажите каде имало мноу тиристи, мажите скокале од чамците и им помагале на жените и децата да се симнат. Тие ги поздравувале туристите, а неколкумина од нив плачеле од среќа.

Во првите седум месеци од годинава во Грција преку море пристигнале 124 илјади мигранти, што е за 750 отсто повеќе од истиот периот минатата година, соопшти агенцијата за беглаци на Обединетите нации.

Само во јули, во Грција пристигнале 50 илјади мигранти, од кои 70 проценти биле од Сирија.

Повеќето од мигрантите пристигнуваат на островите Лесбос, Хиос, Кос, Самос и Лерос, сопшти УНХЦР.

Германија ќе протера 94 илјади мигранти

Претседателот на Сојузната канцеларија за миграции и бегалци, Манфред Шмит изјави дека Германија ќе протера 94 илјади мигранти, баратели на азил од Балканот и ќе им забрани повторно влегување на нејзина територија.

Причината за оваа одлука е тоа што балканските земји се прогласени за безбедни во однос на политичко протерување и тоа што претежно станува збор за економски, односно социјални доселеници.

Речиси сите тие со решението за одбивање на азил ќе добијат и известување за забрана за повторно влегување и престој во Германија, вели Шмит.

Позадината на овие мерки е реформа на германскиот закон за престој и дека само на оние кои се добро интегрирани и кои имаат дозвола за престој им е дозволено и понатаму да останат во Германија, изјави Шмит, кој смета дека на барателите на азил треба да им се укине месечниот џепарлак од 143 евра.

Нови 1.064 потврди за искажана намера за поднесување барање за признавање право на азил се издадени на мигрантиво изминатото деноноќие. Такви потврди досега вкупно се издадени на 28.297 странски државјани.

Од издадените потврди на мигранти од осум часот вчера наутро до 8 часот изутрината, 672 се за лица од машки пол, 177 се од женски, 189 се деца кои го придружуваат носителот на потврдата, а издадена е и потврда на уште 26 деца кои патуваат без родител.

Според државјанството на лицата на кои им се издадени потврди, најбројни се државјаните на Сирија 967, потоа Пакистан 40, Ирак 33, Авганистан 19, а другите се во помал број.

Од вкупно 28.297 странски државјани  кои добиле потврда, 20.021 се од машки пол, 3.813 се од женски, 4.180 се деца кои го придружуваат носителот на потврдата, а 283 деца кои патуваат без родител. Најбројни се државјаните на Сирија 21.705, потоа Авганистан 1.964, Ирак 1.473, Пакистан 968, Сомалија 526, Палестина 435, Конго 285, Камерун 133, Еритреја 129, Нигерија 103, Етиопија 99, а другите се во помал број.

Од стартот на издавање потврдите до денеска до Одделението за азил се поднесени 41 барања за признавање право на азил врз основа на претходно издадена потврда. Во ЈУ Прифатен центар за баратели на азил во дневниот регистар на баратели на азил за вчерашниот ден е евидентиран еден барател на азил (маж).

Мобилните тимови на Црвен крст вчера укажале прва помош на 112 лица, од кои 73 во Гевгелија, а кај 39 е интервенирано во Табановце. Дванаесет трудници побарале медицинска асистенција од мобилните тимови, две деца се транспортирани до гевгелиската Општа болница и за еден случај е повикана Итната медицинска помош. На Табановце и Гевгелија се дистрибуирани  816 шишиња вода,103 пакети за прва помош,113 пакети со храна, 43 хигиенски пакети за мажи и 45 хигиенски пакети за жени, стои во соопштението од МВР.

Исламска држава влезе во Македонија заедно со бегалците?!

Секојдневно стотици мигранти чекаат за да влезат во земјава. Откако беа донесени измените на Законот за азил на 18. минатиот месец, МВР до денес издало вкупно 28.297 потврди за барање азил на мигранти.

Најголем дел од мигрантите се Сиријци. По Сирија следи Авганистан, Ирак, Пакистан, Сомалија. Само во текот на вчерашниот ден биле издадени потврди на 775. Од почетокот на издавањето на овие потврди, пак, азил досега побарал само 41 мигрант.

Со измените на законот на азил делумно е подобрена евиденцијата на бројот на бегалци кои влегуваат во земјава, меѓутоа постојат и мигранти кои се уште илегално ја поминуваат границата.

Големи се шансите со бранот бегалци на територијата на Македонија да се инфилтрирале и приврзаници на групацијата Исламска држава, која во последно време упатува закани до балканските земји.

 

 

Поврзани вести:

http://netpress.com.mk/branot-na-migranti-nosi-novi-predizvici/

http://netpress.com.mk/elektronska-registracija-na-migranti-od-5-avgust/

Доколку преземете содржина од оваа страница, во целост сте се согласиле со нејзините Услови за користење.