Свет

Оланд предлага продолжување на вонредната состојба до мај следната година

Оланд предлага продолжување на вонредната состојба до мај следната година

Францускиот претседател Франсоа Оланд вчера предложил вонредната состојба во земјата, која е воведена пред една година, да биде продолжена до мај следната година, со што ќе бидат опфатени и претседателските избори.

Оланд, зборувајќи пред француските новинари во мароканскиот град Маракеш, каде присуствува на состанокот на ОН за климатските промени, истакна дека сака продолжување на вонредната состојба, која е воведена по нападите во Париз минатиот ноември, а требало да биде укината во јануари следната година.

Претседателските избори во Франција се закажани за 23 април и 7 мај 2017 година.