вторник, 23 мај 2017  |  Вести денес: 55

Оланд: Турските напади во Сирија можат да доведат до отворен конфликт со Русија

oland

Последни вести

Турските напади врз позиции на Курдите во Сирија може да доведе до отворен конфликт со Русија, што е многу опасно бидејќи Турција е членка на НАТО, предупреди францускиот претседател Франсоа Оланд.

Истовремено, Оланд истакна дека Франција ќе продолжи да ги бомбардира реоните кои се под контрола на Исламска држава.

– Тоа е терористичка организација, тоа не е опозиција на Башар ал Асад. Јас барам од коалицијата во Сирија да не ја испушта од вид таа главна цел. Тоа истото се однесува и за Турција и Русија, истакна Оланд по средбата на врвот на ЕУ во Брисел, пренесува МИА.

Тој нагласи дека главна тема на средбата на врвот Турција-ЕУ следниот месец ќе бидат миграцијата и контролата на границите. Оланд потсети дека министрите за одбрана на земјите од НАТО на 10 февруари донесоа одлука да испратат военоморски сили на Алијансата во Егејско Море за зајакнување на контролата на турските граници и набљудување на нелегалната трговија со мигранти.

Најчитани вести