Опасни вируси се појавиле во градинка во Карпош

Деца од градинка во скопската населба Карпош 2 заболеле од опасни вируси, неофицијално дознава Нетпрес.

Утрово, во градинката дошол и градоначалникот на Општина Карпош, Стефан Богоев, заедно со епидемиолози, кои ја проверуваат состојбата кај децата, што укажува на алармантност и можна појава на епидемија во таа градинка.

Нофицијалните информации на Нетпрес велат дека децата заболеле од вирусите коксаки и шарлах.

За оваа информација побаравме објаснување и потврда од Општина Карпош, но се’ уште немаме одговор.

Kоксаки вирусите се едни од најмалите ДНК-вируси што можат да предизвикаат разни заболувања кај луѓето, особено кај децата. Постојат два вида на овој вирус – тип А и тип Б. Вирусот коксаки од типот А е многу посилен според дејството. Вирусот од тип Б, иако според дејството е послаб, се смета за потенцијално поопасен бидејќи може да го нападне срцевиот мускул и да предизвика инфекција со тешки и долготрајни последици.

Коксаки од тип А се нарекува и болест на рацете, стапалата и устата, додека вирусот од тип Б најчесто предизвикува главоболки, треска, болки во стомакот и белодробни тегоби. И двата вида коксаки можат да предизвикаат и менингитис (воспаление на мозокот), миокардитис (воспаление на срцевиот мускул) и перикардитис (воспаление на срцевата обвивка).

Коксаки се пренесува единствено преку фекално-орален пат, па затоа и се нарекува „болест на нечисти раце“. Вирусите се излачуваат преку столица и се внесуваат орално (преку уста), односно преку нечисти раце кои не се добро измиени при случаен допир на фецес или столица во која ги има. Тоа најчесто се случува при менување пелени, чистење детски нокшири или тоалетни школки.

Шарлах е вид сипаница и од оваа болест боледуваат претежно деца меѓу една и 10 години.

За разлика од сипаниците кај шарлахот организмот не  изработува трајни антитела кон причинителот на болеста. Односно, може повторно да се разболите од шарлах. Но овие повторени случаи се прилично ретки.

Доколку преземете содржина од оваа страница, во целост сте се согласиле со нејзините Услови за користење.