четврток, 27 јули 2017  |  Вести денес: 52

Орбан против натамошно одложување на изборите во Македонија

Ние не можеме да го третираме Балканот како црна дупка. Не можеме да го игнорираме тоа што најпопуларен политичар во Босна е Ердоган, да го игнорираме тоа што демократските избори во Македонија се одложуваа под влијание на надворешни фактори, одговорил Орбан, на прашање за балканската политика на Унгарија и бегалската криза која се прелеаја преку регионот.

orban

Последни вести

Унгарскиот премиер Виктор Орбан во своето обраќање во универзитетот Андраши во Будимпешта се осврнал и на Македонија, критикувајќи го неколкукратното одложување на предвремените избори, за кое рекол дека се случило под притисок на надворешни фактори.

– Ние не можеме да го третираме Балканот како црна дупка. Не можеме да го игнорираме тоа што најпопуларен политичар во Босна е Ердоган, да го игнорираме тоа што демократските избори во Македонија се одложуваа под влијание на надворешни фактори, одговорил Орбан, на прашање за балканската политика на Унгарија и бегалската криза која се прелеаја преку регионот.

Орбан, кој се промовираше во лидер на средно-европската група држави членки на Европската Унија, ја поддржува Македонија во отворањето преговори со Европската Унија и се залага за држење на македонско-грчката граница и понатаму затворена за движењето на мигрантите и бегалците од Блискиот Исток.

Обраќањето на универзитетот Андраши, кој е водечки универзитет на германски јазик во Будимпешта, доаѓа непосредно по неговата посета на бугарско-турската граница, од каде Орбан повика дека и Бугарија треба да продолжи успешно да ја брани заедничката европска граница. Во своето обраќање, Орбан додал дека Европската Унија се соочува со сериозни внатрешни проблеми, неможност да реши прашања како што се демографските промени и релативното економско назадување во однос на земјите од Азија.

Најчитани вести