Балкан

Ослободен Јорданецот што се обиде да го собори авионот за Белград

Ослободен Јорданецот што се обиде да го собори авионот за Белград

Американскиот државјанин со јорданско потекло, Ракен Јехад Зухаир Донат Маданат (29) кој предизвика инцидент во авионот на „Луфтханза“ за време на летот од Франкфур до Белград е пуштен на слобода.

Како што пренесуваат српските медиуми, на Јорданецот му е укинат притворот откако претходно бил постигнат договор за признавање на вината. Тој доби 8 месеци до три години условна казна и парична казна од 570 евра.

Инаку, инцидентот се случи во воздушниот простор на Австрија, кога Маданат се обидел да го собори авионот и со тоа да ги загрози животите на 124 – те патници. За среќа, тој бил совладан од екипажот во авионот, но и од страна на присебните ракометари на Војводина кои се враќале од гостувањето во Порто.

На белградскиот аеродром Јорданецот беше превземен од српската полиција.