Французинката Изабел Прајм, која вооружени напаѓачи ја киднапираа во главниот град на Јемен, Сана, е ослободена, соопшти денеска кабинетот на францускиот претседател Франсоа Оланд.
Нашата сонародничка Изабел Прајм е ослободена. Претседателот Франсоа Оланд сака да им се заблагодари на сите кои помогнаа да се дојде до овој резултат, а посебно на оманскиот султан Кабус бин Саид, се наведува во соопштението, без да се истакнат повеќе детали за нејзиното ослободување.
Прајм и нејзиниот преведувач од Јемен беа киднапирани во Сана на 24 февруари на пат кон работното место, а преведувачот беше ослободен уште следниот месец.
Таткото на Хрватот киднапиран од ИСИС: Син ми само заработуваше леб за своите деца
Златко Салопек, таткото на Хрватот Томислав Салопек, кој во Каиро беше киднапиран од есктремистите на ИСИС, повикува киднаперите да го ослободат неговиот син.
„Ги повикувам луѓето кои го чуваат мојот син да го вратат на неговото семејство, бидејќи неговиот мотив да оди во нивната земја беше исклучиво заради леб за своите деца и ништо друго“, рекол Салопек за АФП, во семејната куќа во Врпоље.
Во видеото објавено во средата човекот кој се претставува како Томислав Салопек, кој работи во Египет за фрацуска геолошка истражувачка компанија, CGG, прочита од лист дека ќе биде погубен во рок од 48 часа доколку египетската влада не ги ослободи муслиманките на ИСИС од затвор. Салопек не рече од кога почнува одбројувањето.
Триесет и тригодишниот Томислав Салопек, кој е сопруг и татко на две деца беше киднапиран на 22. јули од страна на синајскиот огранок на Исламска држава. Се верува дека тој е првиот странец кој милитантите во Египет го киднапирале, и сега му се закануваат со смрт.
Прочитајте повеќе:
Колкави се шансите киднапираниот Хрват да биде ослободен?
