Свет

Ослободени сите патници од киднапираниот авион, освен петмина странци

Ослободени сите патници од киднапираниот авион, освен петмина странци

Компанијата „Иџиптер“ јавува дека со напаѓачот на киднапираниот авион било договорено да ги ослободи сите патници освен петмина странци и членови на екипажот, пренесува „Раша Тудеј“.

Според кипарските медиуми досега биле ослободени помеѓу 30 и 40 патници.

Авионот на компанијата „Иџиптер“ кој беше киднапиран на летот од Александрија за Каиро бил нападнат од бомбаш-самоубиец.

Пилотот на авионот Омар Џамал им јавил на властите дека напаѓачот носи појас со експлозив. Се верува дека напаѓачот во авионот е вооружен со експлозивен појас и бара полицијата да остане настрана од леталото, јавува кипарското државно радио.

Истиот извор наведува дека киднаперот наводно им дозволил на жените и на децата да го напуштат авионот.

Инаку, по слетувањето на авионот во 8.51 часот, како што јавува „Раша Тудеј“, аеродромот во Ларнака е затворен, а екипи на итната помош се испратени на местото.