Крими хроника

Оштетен верски објект во Крива Паланка, полицијата трага по сторителите

Оштетен верски објект во Крива Паланка, полицијата трага по сторителите

СВР Куманово во содејство со Основното јавно обвинителство презема интензивни мерки и активности за целосно расчистување на настанот и откривање на сторителите кои вчера извршија оштетување на приватна куќа во централното градско подрачје на ул.„Свети Јоаким Осоговски“ во Крива Паланка се вели во денешното соопштение на МВР.

Вчера од 13.30 до 14.30 часот, во Крива Паланка се одржал најавен протест на граѓаните од Крива Паланка поради отворање објект наменет за верски обреди. На протестот присуствувале околу 1.200 граѓани и поминал без нарушување на јавниот ред и мир.

– Истиот ден, околу 18.30 часот, кога во објектот немало никој, од засега непознати сторители било извршено оштетување на истиот. Од страна на увидната екипа од ПС од ОН Крива Паланка веднаш е излезено на местото на настанот и по овластување на Јавниот обвинител извршен е увид, при што е констатирано дека е направено оштетување на осум прозорски стакла и на дел од инвентарот во куќата, стои во соопштението.

Од страна на полициските службеници превземени се сите оперативно тактички мерки при што е извршен преглед на пошироката околина и прибавени се сознанија од извршено анкетирање на околу 40 лица кои живеат и работат во околината на местото на настанот.