Македонија,Крими хроника

Осум ипол години затвор за скопската фризерка која продаваше станови

Осум ипол години затвор за скопската фризерка која продаваше станови

Фризерката Благица Дончевска од Скопје доби осум ипол затвор поради продавање на фиктивни станови. Осуден е и нејзиниот татко, Ацо Вељановски кој и бил соработник во криминалот, односно на неговата трансакциска сметка се префрлале парите и според обвинението виновен е за помагање измама.

Фризерката беше уапсена минатата година бидејќи измамила 42 лица, претставувајќи им се како претставник на владин проект за станови наменети за млади брачни парови, социјални случаи и лица со посебни потреби. Според обвинението, таа на оштетените им велела дека за становите треба да уплатат дел од сумата, а остатокот ќе биде покриен со донациите на амбасадите на Белгија и на Холандија. Овие лица останале и без пари и без станови.

Во текот на судскиот процес скопската фризерка  тврдеше дека и самата е жртва на измама, а дел од оштетените според неа дури и сакале да посредуваат за стан за одредена провизија.