Спорт

Осуммина мигранти играат за австриската репрезентација

Осуммина мигранти играат за австриската репрезентација

Австриската фудбалска репрезентација има осуммина играчи со мигрантско потекло. Без овие играчи квалификациите не би биле возможни.

Процентуално, тоа значи дека околу 35 отсто од репрезентативците, односно секој трет е со мигрантско потекло.

За репрезентацијата на Австрија во Франција играат четворица играчи што се родени во странство – Ѓерѓи Гарич (Унгарија), Мартин Харник (Германија), Златко Јунузовиќ (роден во Србија со босанско потекло) и Рубин Окотие (роден во Пакистан, а татко му е од Нигерија).

Со мигрантско потекло се и Рамазан Ечцан (родителите му се од Турција), Давид Алаба (мајка му е од Филипини, а татко му од Нигерија), Марко Арнаутовиќ (татко му е од Србија), Александар Драговиќ (родителите му се од Србија).

Со голманите Томас Гебауер (Германија), Цицан Станковиќ (Србија) и напаѓачот Марко Ѓуричин (Србија) оваа бројка се зголемува за уште тројца играчи во однос на проширената австриска репрезентација.

Инаку и комплетниот австриски фудбал е одбележан со играчи со мигрантско потекло. Истражувањето на институцијата „Медиенсервис“ покажа дека во Првата лига минатата сезона играле над 40 играчи со мигрантско потекло, како и 70 странски играчи.