Македонија,Крими хроника

Откриени 16 мигранти во возило на пат за Демир Капија

Откриени 16 мигранти во возило на пат за Демир Капија

Шеснаесет мигранти синоќа се пронајдени во возило кое го управувал 35-годишен скопјанец на пат за Демир Капија.

Од 16-те мигранти, 11 биле од Авганистан од кои пет малолетни, четири лица се од Пакистан, а еден од Иран.

Мигрантите се откриени кај месноста „Арсови Лаки“ откако возачот А.Б. не застанал на знак на полициските службеници во близина на селото Удово, туку ја зголемил брзината и го продолжил патот кон Демир Капија.

Возачот и мигрантите во 01:45 часот се приведени во полициската станица во Неготино за понатамошна постапка. На возачот му е одредена мерка притвор во траење од 30 дена.